轉按如為了套現,正常情況下當然應估價越高越好。筆者都寫過幾篇文章如何拉高估價。
但有時估得越低反而越套得多錢。
假設估價是$650萬,轉按最多只可借6成,即$390萬。但如能估到$600萬,那麼最盡便可借8成,即$480萬。
當然,轉按如要做8成,要俾保費。就算之前個物業已是高成數按揭,現在轉按也要俾多一次保費。但舊保費如3年內有部份refund,新保費有6折,轉按有1.9%現金回贈,銀行也送一年火險家保,律師費只是$5000-$6000,轉後減了利息,計落都是著數。
如本身市價是$650萬,如要把估價拉到$600萬,需要有相熟banker。自己walk in銀行職員只會幫你向一間估價行quote價,而未必會幫你向幾間估價行拉估價直到拉到為止。如沒有相熟banker便要搵按揭中介幫手了。
本文於2016年8月30日在星之谷地產網頁發佈。
延伸閱讀:
如對本文章有任何問題或意見,歡迎按右上角 Whatsapp 按鈕聯絡我們互相交流。