有留意股票的朋友都知道近來關於中國概念嘅股票死去活來,尤其近來比阿爺幸運大鐵鎚重點調整嘅行業,喺出文之前大家知道嘅醫療美容網上醫療地產甚至是補習社等等,下一個行業唔知,但係可以見到調整市場嘅決心。不諱言國內發展迅速,加上融資市場發達多個行業出現泡沫,喺無需要業績之下能夠大量槓桿,加上科技無論係資訊或者生物方面嘅憧憬,市場上大量股票無需營利之情況下炒到飛天,但係今期有阿爺嘅幸運大鐵鎚,大家再入場之前適宜停一停諗一諗。
唔可以有第二個恆大
中國調控市場無可厚非,相信大家都有聽過恆大近年財政出現嚴重問題嘅狀況,恆大嘅負債可以說是大到不能倒的企業,國內已經多次傳出有物業未能進行網簽甚至是動用了準備金,單是恆大年報2020年的負債已經是7165億元,但相信回購協議等等數字遠超於這一個,近日瘋狂減債及變賣物業項目等等,這故事更加促使中國需要調控過熱經濟,尤其對一些概念或者是只有概念嘅生意,正如市場上經常戲言還未見到生產一度車門的恆大汽車。
複雜的中美關係
拜登上場後中美關係沒有明確的好轉,暫時未見到明確好轉嘅契機,尤其資金股票市場等等大家投資的都要小注怡情,未計算疫情的波幅,如果想呢個時候大力投資All in 好容易輸到爆廠,現在市場真係只適合短期賺茶錢嘅投資千祈唔好賭身家。
避開過熱的投資
近日市場情況絕對建議避開一些過熱的投資,無論是地產或者股票,股票方面國策股可能未必係最好嘅選擇,樓市方面相信國內調控樓市大家也早已知道。但如果深入探究的,國內主要針對調控龍頭城市的房產,例如北京上海深圳等等地方,相信大家也有所聽聞這些地方的樓價和香港差不多甚至比香港更高一些,個別比較低價的國內城市措施也是依然。
而近日聽得最多的指示價格也是其中一個調控措施,意思即是銀行批核貸款需要按指示價格並非按樓價的成交計算,雖然在香港執行的機會很細,但近日香港樓市非常熾熱,政策風險也需要作考慮,當然自住是沒有餘地都建議購買,最多買細一點買便宜一些,但是純粹收租的考慮可能一動不如一靜。
上車樓
如對本文章有任何問題或意見,歡迎按右上角 Whatsapp 按鈕聯絡我們互相交流。