《飛魚‧論語》眾人皆勝我獨輸【名家投稿】

眾人皆勝我獨輸
-廣告-

比較多人熟悉嘅一句話係「眾人皆醉我獨醒」,原文係源自屈原嘅「舉世皆濁我獨清,眾人皆醉我獨醒」後一句。前一句意思係全世界嘅人都係污濁而只有我係清白,堅拒同流合污做壞人(或官),後一句意思係全世界嘅人睇法都係錯,而只有「我」睇得通真理。

喺人類歷史上,總係可以舉好多「眾人皆醉我獨醒」嘅成功個案,譬如地圓說、日心說呢D,當初提出呢D 理論嘅思想家,當年都係比世人唾棄甚至恥笑嘅。

至於當世如有人提出一個創新、甚至同現有學說完全唔同嘅理論或思想,係咪就代表佢係啱,或者佢係「醒」呢?如果就咁幫佢冠上「眾人皆醉我獨醒」呢個光環,就未免太武斷同求其喇。

「眾人皆醉我獨醒」呢件事,好多時要到後人証明咗佢係啱,至能夠印証番當年佢提出呢d 係創新而正確嘅理論。至於歷史上有幾多人提出咗創新但結果係錯嘅理論呢?呢方面就肯定無紀錄留低喇。想再掘深D去研究,讀者可以去睇吓「倖存者偏差」呢種邏輯謬誤,本身都係一個可以寫編長文嘅好topic ,不過呢篇文暫時唔作詳細解釋,讀者可以去搵Youtuber 無痛講解會簡單易明啲。

《眾人皆勝我獨輸》

衍生版:

講左咁大篇幅「眾人皆醉我獨醒」,其實今篇係想帶出一句衍生版既「眾人皆勝我獨輸」。呢句話妙就妙在食字,香港人特別鐘意玩食字嘅,例如電影名就好常見,筆者最鐘意嘅有《不速之嚇》,同埋好多唔方便喺度講嘅電影名咁。

「眾人皆『A』我獨『B』」呢句話入面,A同B必須係反義詞,而喺「眾人皆勝我獨輸」呢句入面,個「輸」字就啱啱食番前面個「獨」字,變成諧音「讀書」,所以筆者就特別鐘意呢個衍生版本。

字面意思:

「眾人皆勝我獨輸」好直接地,就係講個個都贏錢得我自己輸錢。最初應該係喺麻雀枱上出現,講緊「三家贏一家」嘅情況。後來,傳開去之後,無論係喺咩賭博或投資界別都會用到。

例子:

「眾人皆勝我獨輸」其實又比較少喺股票巿場用到。因為股票好睇個別板塊、個別股票甚至有人唔係買正股而係買牛熊証咁。恆指大升嗰日,好多人贏錢嘅同時,都有好多人輸錢,好難話出現「獨輸」呢個情況。

樓巿方面,就好睇一手定二手樓。二手樓方面,要做到「眾人皆勝我獨輸」又唔係咁易。因為樓巿本身都係喺一堆買家同一堆賣家之間角力,每一區、每一屋苑甚至每一座向單位,其實都有佢自己嘅價值。業主想高賣但巿場上有一個同質素但比自己平嘅樓,就好難賣出;買家想平買但業主收到好多offer 都無理由揀最平嗰個嚟賣。我嘅睇法係,喺二手樓巿裏面,要搵間大巿升而自己買嗰間唔識升嘅樓,同搵間大巿跌而得自己嗰間升既樓,都需要有獨到嘅眼光至做得到。

至於一手樓又好難講,一手樓本身有個「一手溢價」,喺十幾年前,或者去到97年樓巿比較瘋狂嘅年代,呢個溢價可以達到20%以上,即係比同區、同質素、同大小嘅二手樓(樓齡譬如輸3年),貴20%以上。至於近幾年,樓巿資訊比較透明化,同埋近一年來樓巿陷入寒各,一手樓積咗太多貨,近期啲一手樓甚至賣得比同區二手樓平嘅情況都有。

講番有「一手溢價」嗰啲一手樓,買家買入後,將來喺巿場賣出就變成二手樓。譬如入伙2年後賣出,原本間同質3年樓齢嘅二手樓變左5年樓,咁其實兩者之間個差價就唔會有20%,好大機會只差5~10%內。咁喺當年用溢價買一手樓,一買嗰刻就起碼輸左10%先。

另外,如果係買啲起喺新區,無同區二手盤巿價可以參考嘅一手樓就更加弊。有D 新區係完全新發展,想搵間「對面馬路」二手樓呎價或者租值去參考吓都難。如果用同區(區議會分區)但隔一個火車站嘅樓價去比較,咁同隔山買牛又有乜分別呢?

買呢啲新區,可以話一念天堂、一念地獄,睇好嘅總有一萬個理由。不過咁講,筆者就相信發展商得到嘅資訊一定多過一般巿民。喺「信息不對稱」下,發展商開得個價出嚟都一定係贏家 。如果一個Game 有一方面係贏硬嘅話,另一方向當然就會係輸家。對於無二手巿場可以參考嘅新區,買家中「眾人皆勝我獨輸」嘅機會係比較大嘅。

飛魚子

延伸閱讀:

【名家投稿】《飛魚‧論語》賊佬試砂煲

作者過去文章:

bit.ly/2JJnk35

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:【每週更新】銀行按揭利率及按揭回贈比較  

推薦文章:2.45% 按揭、轉按現金回贈,誰與爭鋒!

 

想知邊間銀行按息最平,回贈最高? 請留言向我們索取最新情報

 
非香港號碼,先選區號。

請檢查電話號碼是否正確。


陳凱琳同苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com