【名家投稿】1:99 財富分佈(一) (上車樓)

作者:

2022-06-13

-廣告-

推薦文章：【7月5日更新】每週銀行按揭利率和按揭回贈比較

今次唔係講消毒，亦都唔係漂白水稀釋嘅比例，係財富嘅分配。以前大家聽得多嘅係28定律，源自經濟學家柏拉圖法則（80/20法則、關鍵少數法則、八二法則)，例如一個城市兩成嘅人持有整個國家八成嘅資產，呢個比例其實全球國民生產總值(GDP)1989年便是這樣，但經歷了金融風暴海嘯、海量的銀紙印製再加上疫情，幾可肯定現在是19定律，例如是股票市場上見的1人贏錢9人輸錢，將來甚至趨向1比99，即是全球最富有一個percent嘅人口持有全世界的資產99%，係極不健康嘅事情，亦都可能會將國與國之間推向動盪戰爭邊緣。

虛擬世界未成氣候

一個普通市民冇能力改變現狀，亦都不可能輕易成為果10%甚至係1%。動盪嘅世界唯有積極累積實體資產自保，同而家虛擬世界有啲背道而馳，但如果有投資過研究和參與過嘅朋友都了解，現在虛擬世界其實係雛型，同實體世界的同步率還是很低，需要科技和國家不同的法例政策協調下，在一段不少於五年的時間才會有嘢睇，所以虛擬資產嘅投資當買大額六合彩就算，有歸零嘅心理準備。

神奇發達機會

而呢個時代充滿神奇發達機會，但發達嘅唔係參與者，係遊戲製造者。市場上充滿不同必勝法則，亦都有唔同嘅投資遊戲，例如較早前的高息穩定虛擬貨幣UST 和全球關注的Luna。UST用作定存利率高於年息10%，大家聽落都匪夷所思，要做到咁高回報，一係高利息貸款予其他投資者，但係如果這個方法都不可行很可能便是龐氏騙局的延續，陰謀論地說，如果幕後投資者控制割韭菜隊冧LUNA，利潤係天文數字。

富豪階層的T型效應

以前大家知道三角圖形就可以反映財富分配情況，最頂的最富裕，基層佔大多數，但係現在嘅趨向係T型，主要係向上流嘅機會正在不斷減少。從前有錢人做生意賺錢都會留有一路，大家還有上流嘅機會，現在卻是漁翁撒網。

相信做生意嘅朋友喺唔同嘅行頭，都遇到一些基金或者大型投資者入市競爭，而他們目標並不是單單利潤，最重要是生意額和一條漂亮的流水帳，融資貸款、再集資、再找投資者，甚至砌得漂亮再售予其他投資機構。一般人做生意的目標始終是利潤和生存，現在卻變得越來越困難，資訊發達現在做生意係資金能力的大比試，沒有背景的只好靠靈活生意手法去生存，更加難靠做生意向上成為最富裕階層，被這些財團收購可能是已經是最好的結果，最起碼已經財務自由提早退休。

下一篇再探討1:99的影響和危機。

上車樓

作者所有文章

如對本文章有任何問題或意見，歡迎按右上角 Whatsapp 按鈕聯絡我們互相交流。