呢排工作極為繁忙,除咗冇機會寫文同大家分享之外,就連4月30日要交2018年度首季度差餉地租都差啲唔記得。
有睇開我啲文嘅朋友,應該記得我講過交差餉用邊張信用卡好。上一篇的連結如下(https://starpnews.com/blog/交差餉地租賺asia-miles最好用邊張卡/)。
不過,今次有一個壞消息,亦都係之後講過,東亞銀行今年二月出咗信用卡服務修訂通知,由2018年5月1日起,透過電子網絡銀行服務包括互聯網、電話、自動櫃員機及流動電話渠道進行之所有繳款,將不獲獎分或現金回贈。咁即係話由5月1日起,用東亞銀行網上理財以出晒名儲里數神卡(Flyer World Mastercard卡 及 顯卓理財World Mastercard卡)來交差餉地租,將會變成零獎分!
咁即係話,今期差餉地租將會係最後一次賺到東亞銀行信用卡獎分。所以最後召集,大家好好把握今次機會。唉,真係好難過。
東亞銀行信用卡服務修訂通知:
https://www.hkbea.com/pdf/tc/noa_201802_cc.pdf
Skywalker
延伸閱讀:
如對本文章有任何問題或意見,歡迎按右上角 Whatsapp 按鈕聯絡我們互相交流。