【名家投稿】2020年趨吉避凶 (上車樓)

作者:

2019-12-30

-廣告-

推薦文章：【7月5日更新】每週銀行按揭利率和按揭回贈比較

本文章和相學無關，但經過風雨飄搖的2019年， 2020年的開局都會係先苦後甜，撇開政治，在這個社會活動筆者看到的是，樓價比較堅硬尤其係住宅，在這個期間下降的幅度其實很少，反而車位及商業物業會比較遭殃。另一個取向是錢向外走，越嚟越多人除咗移民移居外也想在海外置業。

首置上車

喺香港生活其實好難唔買樓的，有心人可以善用2020年開局唔係太好嘅機遇，由於按揭貸款成數放寬了，基本上手持一百萬鬆啲已經可以買到八百萬港幣嘅樓，選擇彈性都大好多，但始終要注意自己的工作和收入會否受社會運動影響，由於按揭成數關係， 800萬樓下的兩房甚至比較遠的三房單位會跑贏大市，至於納米單位，他們的溢價比較高，加上納米樓的誕生過程係基於限米煮限飯，從前低過400萬才可以9成按揭的副產品，所以價格上會比較挨打，但係如果本身收入唔係太高首期也非常有限的，也可以考慮成為一個上車的跳板，當然如果兩公婆購買是最好，也要善用人名，用得好的話一開二難度唔高。

海外置業

愈來愈多香港人想喺其他地方買樓，尤其現時香港不適宜把所有雞蛋放在一個籃子上，不少香港磚頭的投資者開始轉軚，其實都無可厚非，購買海外物業兼顧嘅嘢比較多，以前單看回報的話有些投資者還是熟果飯投資嗰飯，對海外物業避之則吉，但現在已經變成趨勢，尤其一些香港人熱門旅遊地方或者退休地方，泰國馬來西亞日本英國澳洲等等，甚至是受著政策優惠的大灣區，都係近來香港人嘅熱門投資地方。但始終都需要注意每個國家對房屋的政策和法例也有所不同，建議投資之前都可以上網做定功課，同埋香港人始終有一個毛病，諗住買海外樓一定要喺酒店或者一些超級大行，稍後文章再談及羊毛出自羊身上嘅道理。

全球化現象

資訊科技拉近人嘅距離和各個地方競爭上嘅優勢，香港發展已經非常成熟，要再找新嘅優勢急劇發展係好難嘅事，反而其他地方大家也不可以少看，因為深信一些高速發展的東盟地方，低估了的地方日本甚至是大灣區，和香港的樓價折讓比例將會慢慢收窄，投資方面切勿戴有色眼鏡，不少香港人也是大香港主義物業投資也是，往往忽略咗一些高速增長或者回報比較高的地方，其實財務自由路路通羅馬，小弟大部分的現金流也是來自海外尤其是日本的收租物業。