【名家投稿】2021年應對和展望(一) (上車樓)

作者:

2021-01-04

-廣告-

推薦文章：【7月5日更新】每週銀行按揭利率和按揭回贈比較

2020年過去，相信大家嘅其中一個最人氣願望就係新年快樂疫情快落，整個2020年都比疫情嚴重影響，而家大家都期待緊疫苗能夠發揮顯著嘅成效。雖然現在未知道成效係點，但總需要部署呢一年應該如何去應對，尤其農曆新年未到，大家都有些擔心裁員潮和倒閉潮的出現。

資金上空盤旋未流入實體經濟

大家近來有留意美股港股市場，都會見到生物科技股和疫情受惠股升到飛天，但係實體經濟方面，因為各國封關持續，只在流動資產市場盤旋。現在股市有點像從前的科網股熱潮，完全不需要盈利基本，簡單講純粹係購買期望；疫情繼續落去呢類股票繼續有無限想像空間，但係疫情受控嘅時候，呢類股票能否單靠概念支持，絕對值得考慮和深思，短炒怡情，長揸最後可能只有數隻龍頭能跑出。

準備充足現金應急和等待機會

一個月香港銀行同業拆息直至到2020年12月31日是0.18厘，利息持續維持喺低水平，意味著大家嘅供樓利息如果按H加1.3%計算只係大約1.5%。如果工作穩定嘅朋友，可以考慮呢個時候轉按，準備多一啲現金傍身；同時，私人貸款如果利率是低於3厘，也可以考慮用作備用資金，主要是應對疫情下嘅變數，待機會入市投資。

租金持續下降

疫情下環球租金顯著下降，當然香港都唔會例外，回報率其實也在下降中。而香港嘅住宅租金，短期內也看不到回升至正常水平；除非疫苗有顯著效果，做生意和勞工市場快速穩定下來，否則租金只會橫行直至經濟有顯著改善。所以今年維持自住就必須要購買，租金唔升並不代表樓價不升，尤其係環球資金紅潮下，可能會持續出現租金跌樓價升嘅怪象。

投資物業可以留意吓其他地方

疫情加速全球化和行業轉化，大家都好清楚往往經濟大幅下調後，洗牌效應會持續出現，香港樓市已經非常成熟，亦都連續上升十年，加上香港地位嘅轉變，暫時看不到大幅上升嘅誘因。反而呢個時候可以趁機投資其他相對落後嘅地方——近來大熱嘅英國、樓價上升幅度明顯嘅大灣區、一些東盟嘅地方以及相對樓價落後多年嘅日本；除了大灣區外，租金回報也會比香港高，係一個唔錯嘅時間資產環球化。

祝願大家今年平平安安，相信身邊不少朋友的壓力和無助感也很強，可以的話盡量關心一下身邊人，希望大家新年快樂疫情快落。

上車樓

作者所有文章

如對本文章有任何問題或意見，歡迎按右上角 Whatsapp 按鈕聯絡我們互相交流。