【名家投稿】2021年應對和展望(二) 疫情下的環境變化 (上車樓)

作者:

2021-01-11

-廣告-

推薦文章：【7月5日更新】每週銀行按揭利率和按揭回贈比較

今次呢一個應對和展望分兩次寫嘅其中一個原因係等埋1月6日美國嘅政治明朗化之後, 應對和展望會比較準確, 新任總統拜登上場的經濟貨幣和對中國的政策, 和我們息息相關。最基本可以預見嘅就係比較溫和嘅路線, 量化寬鬆力度更加加大, 可以預見嘅未來資產價格都係會繼續推升, 投資前景可能會在疫情後更加明朗化。當然如果美國在1月6日的時候是出現亂局, 筆者會勸大家咩都唔好買最多買啲黃金, 睇定啲先再次出擊。

疫苗後的準備

如果大家對新冠肺炎疫苗抱以樂觀態度, 可以慢慢準備疫情穩定後嘅新經濟狀況, 當然新冠肺炎疫情在2020年大家經歷過失望再失望嘅情況, 所以建議計劃今年嘅時候都要兩手準備, 上一篇提及準備多一些備用現金, 可以留意海外嘅物業市場, 呢一篇就會同大家探討一下工作營商方面。

在家工作的常態

疫情衝擊下在家工作成為不少行業嘅常態, 但係現實在家工作生產力始終會大減, 只係疫情下嘅權宜之計，相信不少公司新冠肺炎疫情創傷後, 為了提升競爭力, 最直接就係減省員工開支, 部分工序可能兼職已經能夠代替甚至不在香港聘請員工, 人工嘅上升動力更加睇唔到, 在2021年能夠保住飯碗為先可能係各位上班一族嘅最重要任務, 做生意嘅朋友大家都諗緊點樣可以節省開支, 疫情嘅變化相信都令唔少行業嘅東主洗多咗洗大咗同埋做唔到生意, 2020年相信能夠賺錢嘅公司唔多, 在疫情未完全明朗化之前相信大家都會行保守Mode, 寧願靈活啲都未必願意增加固定成本, Slash 會更加盛行, 各位朋友更加要留意自己嘅行業變化, 調整返工或者營商狀態, 應對2021年可能係機遇或者係危機嘅一年。

疫情會改變生活習慣?

筆者見到現在電視節目最多嘅就係如何成為屋企廚神, 優質食材店可能仲多過便利店嘅怪象, 當然喺短期內這些店鋪還是不愁生意, 但係疑問就係疫情穩定之後大家會否還願意繼續在家煮食, 經營餐廳嘅朋友最無助就係唔知道疫情幾時穩定, 租金人工經營開支, 好難無了期咁樣去守著, 部分飲食業朋友已經努力向優質食材外賣市場進發, 就係一旦疫情受控制, 報復式的外出餐飲消費玩樂就會重臨, 做生意嘅真係要有兩手準備。

錢越嚟越唔值錢

上一回提及資金在上空盤旋, 環球落閘下未流入實體經濟, 就算是物業市場也是部分, 截稿前比特幣曾經升破40000美元, 環球股市急速上升, 大量資金四圍遊走, 香港嘅M3下降了大約一萬億港元, 都表示現金價值不斷下降尤其是港幣和美金掛鉤, 當大家主觀認為其他外幣急劇上升實在是美金不斷下跌, 大家最切身嘅感覺就係淘寶啲嘢埋單計港幣都貴咗, 嚟緊呢一年嘅情況會見到資金四圍走, 直至到整個疫情穩定下來, 呢段時間要投資的話如果投資一些純粹概念上的投資產品都係嗰句小注怡情。
疫情穩定下, 環球嘅磚頭都會受惠於大量嘅量化寬鬆, 所以投資嘅時候走位變得相當重要。