其實現在要搵600萬以下可做8成按揭嘅物業已經相當高難度, 但係如果口袋裏只有五六十萬港元, 沒有父母沒有親戚出手, 究竟繼續租住樓先還是點樣都上車先? 筆者會選擇後者, 因為能夠準備兩成首期嘅時候, 購買到的可能是今日剛剛400萬的物業.
睇片就鍾意睇步兵,唔鍾意睇騎兵, 什麼意思就唔多解釋. 反而要上車嘅就唔好做步兵, 點都要做騎兵, 騎乜都好起碼容易追d. 樓價咁樣升人工點樣追? 基本上去邊度都聽到呢一句 , 如果要租樓嘅就追都唔使追, 因為租金嘅升幅好大可能仲高過人工嘅升幅。 其實都會聯想到, 收入就只有人工但係開支就不斷加, 唔計通脹嘅蠶食, 儲錢只會難上加難。 就算有唔錯嘅收入每月可以儲蓄到一萬港元, 若果要購買一個剛剛600萬元的物業也要儲蓄十年, 倒不如在最基礎門檻先上車。
基本騎兵
唔做步兵就要努力儲錢做過基本嘅騎兵, 唔夠錢買一啲大熱屋苑, 最基本也要有個鍋居, 就算冇馬騎都騎住隻驢仔先, 騎著驢仔再搵錢再換樓嘅成功機會遠遠大過齋草錢等買好單位, 呢類驢仔可以話係而家嘅納米單位或者樓齡比較舊的單支, 唔好理人哋眼光, 騎著驢仔先。
最大問題係邊度搵驢仔
筆者現在看到的除了是開售的龍床盤(屯門元朗油塘紅磡都有), 二手的話,大家可以試下長沙灣深水埗這裏舊區實用面積約200呎的, 例如康輝大廈,倫美大廈, 永寧大廈, 耀輝大廈, 如意大廈等等. 另一個考慮嘅地方可以係上葵涌嘅豪華閣左近的單棟, 油尖旺的還有少量, 如果屯門的, 單棟式例如屯門三寶(利寶麗寶萬寶大廈),好發,多寶大廈等等。
筆者寫文嗰陣見到仲有, 但係樓市升得咁快真係唔敢講還有幾多可以做九成按揭, 申請九成按揭有所規限, 建議向按揭專家查詢.
上車樓
作者其他文章:
https://goo.gl/P129uc
如對本文章有任何問題或意見,歡迎按右上角 Whatsapp 按鈕聯絡我們互相交流。