落錯車

-廣告-

落錯車,如離開了幸福的高速路- 呢句歌詞除左愛情啱用,形容樓可能更加貼切,身邊也有不少人落錯車,有少部分發覺唔對路,一個轉身射個3分波,落了慢車轉了快車,當然,大部分人也未醒,無計,唯有等市場話比佢聽。

主觀希望

有些人落車,係主觀希望樓跌, 賣平樓玩貴樓,單車變摩托,你問佢何以見得,大部分答市民負擔唔到,政府會做野,人工追唔到。。。但冇人考慮過係錢貶值,威力大於以上一切。更有人話政治問題,我都好老實答,冇佔中會易上車D, 原因遲D詳談。

其實架車冇郁

唔知大家有冇玩過賽車駕駛盤的遊戲,架車左右轉,其實係條公路郁唔係架車郁,其實現在香港樓市情況一樣,公路非常濕滑因為印咗好多銀紙,樓其實本身冇自我增值,純粹銀紙貶值效應,加上香港特殊環境,架車真係跣住去,如果諗住返工人工增長或者股票投資係可以追到都係果句-Good Luck.

7萬個堅持

堅持唔到價唔買,不是Dream House唔買,其實並非首置者的專用藉口,不少朋友早過小弟買樓,但落左車像洗了腦一樣,甚至要求比第一次上車嘅時候仲要高,結果到現在也是優質租客,屋主嘅老闆。

投降輸一半

曾經有身邊朋友說睇淡,想沽自住樓,我都勸過佢用投降輸一半的方法,就係落左車用一半左右budget買其他區單位(當年兆畦苑仲係500呎150萬),估中跌可以買更好,估錯左也不會輸太遠,可以在不用租樓或者以租養租的情況下再待機會。

機會錯過咗, 落錯車現在都唔係時候再諗點解落錯車,不少落咗車嘅朋友隨着年紀大左上車能力也在下降中,接受現實,重整策略, 才是真王道.

上車樓(香討地產板名人)

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:【每週更新】銀行按揭利率及按揭回贈比較

 

推薦文章:2.45% 按揭、轉按現金回贈,誰與爭鋒!

 

想知邊間銀行按息最平,回贈最高? 請留言向我們索取最新情報

 

陳凱琳同苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com