Banker教路：出糧户口做按揭不會更優惠

作者:

奇按兒

-

2018-02-28

-廣告-

推薦文章：【7月5日更新】每週銀行按揭利率和按揭回贈比較

小妹任職期間聽到客人常向我查詢，分享話佢們所有存款，薪金，未來規劃都放在貴行，依加申請按揭會否比市場更優惠？

是的，或許精明既你地想要是運用友好的關係看看銀行裡有沒有低調的VIP計劃。

但非也非也。又係個句，按揭業務都係生意，仲要係穩固而低風險既生意，比起其他中小企業，個人無抵押貸款，按揭壞帳率偏低，2017年尾都只係持平約０.3％，即是香港做按揭既客戶，基本上幾乎唔會導致壞帳。就算銀行按揭只借一百萬出去，都比佢地將呢一百萬借去稅貸私貸中小貸來得穩陣。

VIP Stand for Very Important Person ，銀行既VIP擁有既係最高尚服務，然後希望貴客’繼續’主動選用。客戶滿意服務，就算計劃上毫無競爭力，都會深深感受到Service是無價呢個大道理。

如果去翻商業角度，Very Important Person已經將自己既全部放左落貴行，一家銀行最重要係銀根鬆動，最好保持有正常既新資金流入。於是係商業角度中，新客户先係大商機。大家常見到開户口開信用卡長期有推廣優惠迎新活動，目的都係為左吸納多啲市場既現金。我既新客户即是別行既VIP, 我點樣將別行VIP吸引過黎我到？無他，不外乎獎賞計劃同服務。

又拉遠左，講近少少。如果你係某銀行做緊按揭想套現。做個實驗，係翻原先銀行按可能服務上非常方便，但轉一轉去第二間完全無户口既銀行申請，你獲得既物業估值，回贈，現金卷，禮品可能更加進取有競爭力。如果轉埋出糧户口或者開多張卡額外crossing plan ，分分鐘可能多一萬幾千。因為你係我既新客戶，我希望你將來會同本行多多合作，小小誠意，多謝你選用本行服務。

大家係聰明消費者同時銀行也懂得計數。

所以Main bank 有Main bank好，

New Bank 也有New bank既吸引。

但低調既按揭VIP計劃係少見而無既，

可能會出現都皆因閣下貸款額極大。

小妹比較錢字派，如果有得揀，

一般普通按揭銀碼下所有利息罰息期，回贈高息户口等等條款一樣，我就可能傾向會要額外新户獎賞唔要服務質素，反正我本來已經有VIP既服務待遇，哈哈。徐非按揭跟進同事真係非常出色，搵左間對手銀行比較下轉户推廣唔算多唔算太吸引的話。咁梗係留得青山在，那怕無柴燒啦。

(利申: 向來擔任毫無權力的小小小按揭織員，也許膠層出馬可以獲得更好而小妹唔知，歡迎賜教)

奇按兒（中環女banker）

奇按兒過往文章：

如對本文章有任何問題或意見，歡迎按右上角 Whatsapp 按鈕聯絡我們互相交流。