【名家投稿】大笨象會跳舞 (上車樓)

-廣告-

下一句就係馬騮仔會上樹,而家個故事就係買咗大笨象冇息收股民激到跳舞,激到紮紮跳,玩埋財技版本2.0,looplooploop到做馬騮,唔只要上樹,仲要跑多幾次山添。

疫市要戴頭盔

全球印銀紙水浸,本來透過低貸款利率,套取現金買高利率嘅股票,帳面係穩賺不賠,但現實市場逆轉速度, 在疫情下快到嚇親人,相信大家都會有所損手,當然話分兩頭,就算沒有疫情也好,經濟全球化之下,市場環境和經濟變化可以好快,尤其行業相互間嘅取替,大家回想一下好多行業嘅式微縮速度都非常快,所以買乜嘢投資項目之前一定要有安全現金,點樣都要戴定頭盔。

大笨象唔派息

一隻沙士金融海嘯都頂得住嘅大笨象,去到今日疫情竟然冇息派,只可以引證一樣嘢,經濟全球化加埋疫情全球化,甚至係政府出售公寓,任何航空母艦级的投資項目都會摧毀,對你啲有買貴冇買錯嘅投資項目大家都要重新估計。

Looplooploop呢個字全城最熱,利用利息差槓桿再槓桿 (甚至係ploan ploan再ploan),近來大部分所謂財經達人開班授徒其實都係講緊呢一套嘢,無論匯控房產基金債券等等,諗法唔係錯但投資永遠嘅風險就係估你唔到,贏錢嘅時候就要有輸錢嘅準備,如果大家呢嚿錢係透過加按,呢啲係長債仲可以慢慢還,亦都有機會等呢一個投資產物起死回生,例如果大家係用Ploan再Ploan,壓力會變成超級大,就好似I kill you later咁,利息收唔到,股票或者債券價格繼續回軟,但係另一邊就畀緊私人貸款甚至係財仔嘅利率,嗰種短期無望嘅壓力,唯一諗法就係壯士斷臂,或者高速地減低持股嘅數量控制損失。

還原基本步

每一次經濟大大鑊之後,投資都係會還原基本步,全球瘋狂印銀紙,最安全嘅變得會係實體資產,當然纸磚頭會有價值但唔可以用短債去持有,尤其用一啲相對低息但係call loan風險好大嘅融資方法,私人貸款槓桿再槓桿,贏錢三倍輸錢可能超於三倍,大家工作都未必好穩定嘅時候切勿用這個方法。

上車樓

作者所有文章

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:【每週更新】銀行按揭利率及按揭回贈比較

 

推薦文章:2.45% 按揭、轉按現金回贈,誰與爭鋒!

 

想知邊間銀行按息最平,回贈最高? 請留言向我們索取最新情報

 

陳凱琳同苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com