話說，上回提及，按揭部同事間接掌控著客人貸款既時間或程序。今日獅子銀行出擊，小妹即時諗到以下個情況。
客人乜生明明申請左幾間，就係想比較下計劃有無唔同，成交期仲有2個月，文件正正常常，穩定收入過哂壓測。
某銀行同事：乜生，依加批好左啦，信已經準備好，幾時可以搵你簽？
乜生：依加你地個plan係點呀？
某銀行同事：按你呢個比較細既貸款額，我地做緊全城最荀最具競爭力既H+0.0000幾呀！有十萬九千七既回贈呀！
乜生：哦！甘我考慮下先啦，我仲有2個月先成交，因為其他未批出，我想等埋先。
某銀行同事：下！2個月依加唔決定趕唔切，同埋我幫你hold唔住個offer嫁啦，到時有機會做唔番呢個息喎，再遲趕唔到成交喎(下刪千字)
乜生: 哦，甘我等埋呢幾日，星期尾簽啦。
於是乜生就係成交前2個月簽左，而係成交一個月前，第二間有更好既計劃，因為之前簽左唔用會有手續費，所以乜生只能白白用番市場既舊Rate。
其實銀行利息戰既始源都係搶生意求市佔，同商場減價戰無異。大家成本相近，如果有人低價搶市，其他未出手都只係計緊數，計好打定底比金管局聽就出新聞稿，之不過銀行要計既成本效益更需要周詳考慮，愈大間就愈有穩健，畢竟都要保障一下大眾既資金存款。
但好多客會懷疑自己既按揭批核結果，擔心批完如果等多兩下就會變唔批，律師樓話要比一個月時間佢做文件，明知黎緊市場趨勢係更平更低，都唯有合埋眼邊間快簽邊間，come on guys !
你既入息係假的啊？唔可能嫁對吧！
小妹想苦口婆心，大家買層樓，唔係快餐店求快醫飽肚，簽份貸款信，實際上就正式賣身比銀行短則8年長則30年。
重點來啦，成交期有2個月，除非會離開香港或提早成交，約簽信日期最好建議係成交前15個工作天左右，足夠哂律師樓辦手續，讀者們係消費者，供樓會比利息，委托律師樓有比律師費，已經成功獲批銀行就已經預好左筆錢比你，係差律師樓幾時做好按揭文件。係利息戰期間不妨等多等。
除非你係某家銀行粉絲唔想揀其他，貴小小都無所謂。但這個情況又很少數，因為你只申請個間銀行。有一個可能就係個同事跟到好足，你forecast市場利息又無太遠分別，甘就可以感性地揀早早簽信。
但如果大家同小妹一樣理性大包圍既，其實希望係攞得最好，批得最高，利息最低既話？
甘就要記住！
十五days前貸款信呢個小口訣。
今日講住甘多先，下次再分享。
奇按兒（中環Banker, 客串投槁北斗星網）
延伸閱讀：
如對本文章有任何問題或意見，歡迎按右上角 Whatsapp 按鈕聯絡我們互相交流。
推薦文章：【每週更新】銀行按揭利率及按揭回贈比較
推薦文章：2.45% 按揭、轉按現金回贈，誰與爭鋒！
想知邊間銀行按息最平，回贈最高? 請留言向我們索取最新情報
陳凱琳同苟姑娘教你如何選擇按揭中介：
關於我們
免費按揭轉介，幫客人格價和尋找最低利息、最高回贈的銀行，以及為客人解決按揭上的奇難雜症。我們不收取任何費用，只想把所識和所想，向客人分享。公司的獎項和里程碑：- 環聯（Transunion, 「TU」）正式合作伙伴
- 榮獲 TVB「樓宇按揭轉介服務獎」
- 榮獲Capital 資本雜誌 「2020傑出物業按揭轉介」大獎
- 榮獲香港中小型企業總商會「2019最佳中小企獎」
- 榮獲都市日報「2018傑出按揭轉介」大獎
- 出版「按揭達人」一書，在各書局有售
- 於多份報章撰寫按揭專欄，包括經濟日報、東方日報、經濟一週、南華早報、香港01、頭條日報、蘋果日報、都市日報、經濟通ETNET等
- TVB樓宇節目：「Ben Sir 睇樓團3」於2019年8月放送，平均收視率16點
- TVB樓宇節目：「星之谷特約：蝸居宅急變」於2018年4月放送，收視率19點
- NowTV 樓宇節目：「星之谷特約：置業攻略」於2018年6月放送
- Facebook 超過1900客戶留言，讚揚我們的服務，並給與5星評分
