按揭

【名家投稿】經濟下行下的財富防守術 (上車樓)

作者:

上車樓

2019-08-27

-廣告-

推薦文章：【7月5日更新】每週銀行按揭利率和按揭回贈比較

近日嘅社會氣氛都不用多講, 經濟不景氣情況逐漸浮現, 從前由資產主導變成現金為王, 之前嘅文章都提及盡量加按攞錢出嚟旁身或者待投資機會，如果已經加冇可加或者對加按情況並不樂觀，建議大家調整開支同埋為自己屋企做好一個資產報告表及開支報告表。

管理好自己的財政

從前資產不斷上升做這個動作最好多投資者來說已經不用，呢個動作通常係準備上車或者上車後不久銀根可能比較短缺嘅時候, 才會好好檢視自己開支。現在呢個情況面對開源可能有困難，自然就係節流，唔影響生活質素情況下節省開支說實都要做一番功夫。

以筆者為例，整理開支後可能看到比較多的是外出用膳，當然可以考慮更改外出用膳習慣，多一些自己煮，一來可以節省開支，二來可以食得更健康，始終食物安全或者對我哋身體有冇益，外出用膳的時候好難控制得到。用膳可以調整一下時間，以午餐為例可以配合下午茶時段或者一些餐廳提供的早鳥優惠。

外出應酬方面，在商務合作上說實很難節省，但也可以適量調節，反而一啲過份頻密嘅家人和朋友聚會其實可以適量減少，有時家人或者朋友的關係少見一些反而更加有利。

留意優惠

就算筆者也好，之前都唔介意多付一些手機上網嘅月費，現在其實可以審視一下，因為喺相同服務情況下，其實如果大家願意格下價或者更新下一些合約就已經取得這些優惠，或者善用上網卡作分享用途，因為如果是同一個電訊供應商的手機月費計劃所包的數據量可能不足夠，另外向供應商購買的價錢可能遠比電話卡為高，而家唔少手機有一卡兩號嘅卡糟，只需要手機設定一下就可以避過高價購買數據的情況。

另一方面，朋友之間也可以多多交流優惠，最公平嘅就係大家都係時間有限，交流一啲著數其實都係為係朋友關係嘅好方法，例如餐廳飲食優惠等等。

平手轉按

因為銀行取態可能比較保守，估價沒有這麼進取，但係如果平手轉按，賺到一個巴仙嘅回贈加上按揭中介的額外回贈,已經足足超過律師費的數倍, 遞交一些文件準備一下簽個名就可以節省到按揭利息, 賺到嘅遠遠比我們去銀行參加什麼什麼定期存款的獎賞多很多，加上罰息期過後如果過了一年參加或者兩年才做這個動作，我哋其實就賺少咗0.5%甚至1%嘅貸款額回贈, 已繳付很多個月的利息。