【名家投稿】人生有B餐(返工篇) : 兼職創業 (上車樓)

作者:

2020-08-25

-廣告-

推薦文章：【7月5日更新】每週銀行按揭利率和按揭回贈比較

第三波疫情好像剛剛過去，相信不少做生意嘅朋友已經轉到頭暈，返工嘅又驚捱唔到第二輪保就業，負面情緒有增無減，還望中秋後雨過天晴。但係同時都要做足準備，疫情殺傷利害但係環球政治醞釀嘅風波更加不容忽視。

返工角度嘅B餐

講咗咁耐就係強烈建議人生有B餐，喺返工嘅角度如果唔影響正常工作情況下，其實兼職創業 (下稱:兼創) 都唔係壞事，尤其係老公返全職老婆全職照顧兒女的話。一來呢一類家庭壓力大絕對要尋找其他搵錢嘅出路，二來可以作一個風險評核，老公工作順利升職加薪，如果生意冇改進唔玩都冇損害，相反兼創嘅生意如果光明大道，老公返工前景暗淡，到時再考慮全職創業也未嘗不可。

增加貸款能力

如果創業成績唔錯，仲可以用公司出糧嘅形式出返份人工俾自己或者另一半增加貸款能力，當然銀行對兼職嘅收入角度，可能會有所折扣或者有一些限制例如不可超過主收入幾多成，但對供樓上會都有莫大嘅幫助。而家呢個時勢想老細加人工好難，某啲行業唔減唔炒人已經偷笑。

公司要正式唔可以乜都慳

曾經見過不少創業嘅朋友，佢哋嘅搵錢能力比小弟還高，體力和執行力也好，唯獨所缺的就是太過著緊細數字同埋自視過高，諗住自己就係公司嘅牌頭，好多正統嘅商業登記，銀行戶口，有限公司註冊，商標註冊都沒有做，甚至租個商務中心地址都唔制。結果做出成績也好，很短暫便比其他行家Copy，甚至被Supplier飛起，結業收場。

高層創業不一定成功

曾經有些朋友在公司做到中層以上出來創業，結果長時間挨打狀態甚至結業收場，返工嘅世界會諗呢一類中高層創業嘅成功率應該比較高，但係好多時候佢哋冇諗過外間人士畀面佢，皆因佢係邊間公司嘅邊個邊個，出咗嚟就得返邊個邊個係邊間公司出嚟，做番同一個行頭也好，如果唔係牽涉特別嘅技能，競爭力和被利用價值也會大不如前。加上出嚟創業就係乜都要做，往往這一類中高層，前線技能欠奉或者已經生疏，學習新技術也沒有年青的容易，在位高權重嘅時候，可以指示下屬做嘢，但出嚟創業某程度上乜都要識啲。

人生有B餐，兼創要後生，趁年青有不錯的學習能力和可以承受風險，早日學習如何做生意。受薪一族同自己創業自負盈虧，始終角度唔同，有前輩話返工係學唔到點做老細，這一句話越嚟越認同，而家市場行頭逆轉話咁易，到大家第日係走投無路嘅時候先創業可能已經太遲。

上車樓

作者所有文章

如對本文章有任何問題或意見，歡迎按右上角 Whatsapp 按鈕聯絡我們互相交流。